CB Playa Pabao History/ Historia
Nos bario
E prome actividadnan
Nos bario
Dia 23 februari na ana 1978 e fundacion di Centro di Bario Playa Pabao a lanta cu e meta principal di uni tur hende biba den e bario di Playa Pabao.
Playa Pabao tabata y ta un bario cu hende di diferente origen, profeshon, procedensia etc. Playa Pabao a cuminsa na Rancho, locual tabata un pueblo di piscadornan cu a bin for di Nord pa pisca banda di Playa y cu hopi biaha a keda drumi den un 'rancho' na Playa. Nan cuminda conoci tabata "Awa di playa", awa cu pisca herbi cu un tiki salo. Mayoria di e habitantenan di e bario den e tempo ey tabata piscado di Nord y trahando di waf cu a bin for di Venezuela. Fam hopi conoci por ehempel tabata Quandt (Nord) y Carasquero (Venezuela).
E bario di Socotoro tabata consisti di plantacion di famia Coronel y Arends. Despues nan a bende nan e terenonan y Señor Ortis a traha cas pagabel den e bario. Santa Helena tabata e bario mas prospero y akinan a biba hopi ambtenaar, maestro y doño di negoshi chikito.
E bario di Playa Pabao cu su hende di difirente cultura a biba hunto y toch aleha. Pesey e meta di e fundacion Centro di Bario Playa Pabao tabata pa uni tur hende den bario, pa mustra con dushi y bon e bario ta y kico e bario por haci pa su hendenan.
E prome actividadnan
Centro di Bario Playa Pabao kier a demonstra e grandesa y balor di e bario Playa Pabao y trece union bao di e habitantenan, specialmente cu e prome actividadnan. Nan a laga traha un video tocante e bida den e bario y a organisa un anochi cultural.
Mario Croes a compila storianan riba un video, conta pa hende di edad cu a elabora tocante nan bida den e bario. E video a pasa na television y tabata hopi comenta y gusta.
Varios artista conoci di e bario a duna na cooperacion pa apoya nan bario y a duna un presentacion gratuitamente na e anochi cultural. E evento tabata un exito rotundo y un cantidad di hende a dicidi pa bira boluntario e tempo ey na e Centro di Bario Playa Pabao.
PRONTO E VIDEO TAMBE LO TA RIBA NOS PAGINA!!!!!!
20 - 20
<
>
Centro di Bario Playa Pabao 25 aña
7 - 8
<
>
Video Historico di CBPP i su comienso parti 2 di 5
Video Historico di CBPP i su comienso parti 3 di 5
Video Historico di CBPP i su comienso parti 4 di 5
Video Historico di CBPP i su comienso parti 5 di 5